【又出事!?】iPhone 6s用家投诉Touch ID过热
iPhone 6s 及 6s Plus 推出近半个月,官方指首三日销量达 1,300 万部,打破去年 iPhone 6 嘅纪录,加埋 10 月 9 日会再于第二批超过 40 个地区开售,相信会进一步刺激销量。不过唔係个个用家都对新机咁满意,唔少新机用家就喺网上投诉,话 Touch ID 粒掣过热。唔通今次部机唔弯就嚟过热?

【又出事!?】iPhone 6s用家投诉Touch ID过热【又出事!?】iPhone 6s用家投诉Touch ID过热【又出事!?】iPhone 6s用家投诉Touch ID过热

话说喺官方支援讨论区 Apple Support Communities 上,有网友开帖指佢一觉醒来,充电中嘅 iPhone 6s Touch ID 就热到辣手,但机身其余部分都冇问题,甚至乎充电位都冇过热情况。其后唔少用户都反映有同样情况发生,不论係 iPhone 6s 定 6s Plus、正常运作或者关机状态,都有用户汇报 Touch ID 出现过热情况,甚至会自动关机。对此问题,Apple 未有提供官方解决办法,亦未知起因是与电池抑或处理器过热有关。有网民就提供暂缓的解决方法,指同时按住 Touch ID 及开机键 10 秒,重新开机,就可以纾缓过热问题。唔知 Apple 会唔会好似上年弯曲门咁,回收换新机畀用户呢?